នសនិទស្សនត្តិកនទស្សនត្តិកៈ
សនិទស្សនត្តិកទស្សនត្តិកៈ
[១១៤៨] ធម៌ដែលត្រូវលះដោយទស្សនៈ មិនមានការឃើញ ទាំងមិនមានការប៉ះពាល់ ពឹងផ្អែកនឹងធម៌ដែលមិនត្រូវលះដោយទស្សនៈ មិនមែនប្រកបដោយការឃើញ និងប្រកបដោយការប៉ះពាល់ ទើបកើតឡើង ព្រោះហេតុប្បច្ច័យ។
[១១៤៩] ក្នុងហេតុប្បច្ច័យ មានវារៈ៣។
[១១៥០] ធម៌ដែលត្រូវលះដោយភាវនា មិនមានការឃើញ ទាំងមិនមានការប៉ះពាល់ ពឹងផ្អែកនឹងធម៌ដែលមិនត្រូវលះដោយភាវនា មិនមែនប្រកបដោយការឃើញ និងប្រកបដោយការប៉ះពាល់ ទើបកើតឡើង ព្រោះហេតុប្បច្ច័យ។
[១១៥១] ក្នុងហេតុប្បច្ច័យ មានវារៈ៣។
[១១៥២] ធម៌ដែលមិនត្រូវលះដោយទស្សនៈ ទាំងមិនត្រូវលះដោយភាវនា ប្រកបដោយការឃើញ និងប្រកបដោយការប៉ះពាល់ អាស្រ័យនូវធម៌មិនមែនជាមិនត្រូវលះដោយទស្សនៈ ទាំងមិនត្រូវលះដោយភាវនា ទើបកើតឡើង ព្រោះហេតុប្បច្ច័យ។
[១១៥៣] ក្នុងហេតុប្បច្ច័យ មានវារៈ២១។