[​៤០០​]​ ​បុគ្គល​ល្ងង់​ ​សម្លាប់​ស្ត្រី​មិនមែន​ជា​មាតា​ ​សម្លាប់​បុរស​មិនមែន​ជា​បិតា​ ​សម្លាប់​បុគ្គល​មិនមែន​ជា​ព្រះ​អរិយៈ​ ​បុគ្គល​នោះ​ ​ត្រូវ​អនន្តរិយ​កម្ម​ ​ព្រោះ​ការ​សម្លាប់​នោះ​^(​១​)​ ​ប្រស្នា​នេះ​ ​ពួក​លោកអ្នក​ឈ្លាសវៃ​ ​បាន​គិត​មក​ហើយ​។​
​[​៤០១​]​ ​បុគ្គល​សម្លាប់​ស្ត្រី​ដែល​ជា​មាតា​ពិត​ ​សម្លាប់​បុរស​ដែល​ជា​បិតា​ពិត​ ​លុះ​សម្លាប់​មាតាបិតា​ហើយ​ ​ក៏​មិន​ត្រូវ​អនន្តរិយ​កម្ម​ ​ព្រោះ​ការ​សម្លាប់​នោះ​^(​២​)​ ​ប្រស្នា​នេះ​ ​ពួក​លោកអ្នក​ឈ្លាសវៃ​ ​បាន​គិត​មក​ហើយ​។​
​[​៤០២​]​ ​ភិក្ខុ​មិនបាន​ចោទ​ ​មិនបាន​រំលឹក​ ​ហើយ​ធ្វើ​កម្ម​ដល់​បុគ្គល​ដែល​មាននៅ​ក្នុង​ទី​កំបាំងមុខ​ ​កម្ម​ដែល​ភិក្ខុ​ធ្វើ​នោះ​ ​ឈ្មោះថា​ ​ធ្វើ​ប្រពៃ​ហើយ​ ​ទាំង​ការ​ក​សង្ឃ​ ​ក៏​មិន​ត្រូវអាបត្តិ​^(​៣​)​ ​ប្រស្នា​នេះ​ ​ពួក​លោកអ្នក​ឈ្លាសវៃ​ ​បាន​គិត​មក​ហើយ​។​