បិដក ភាគ ២៩ - ទំព័រទី ២៨៨

​មាន​លំអ​បទ​ដើម​ ​លំអ​បទ​កណ្តាល​ ​លំអ​បទ​ចុង​ ​បរិបូណ៌​ដោយ​អត្ថ​ ​និង​ព្យញ្ជនៈ​ ​អ្នក​ទាំងឡាយ​ ​ចូរ​ប្រកាស​ព្រហ្មចរិយ​ធម៌​ ​ដ៏​បរិសុទ្ធ​ ​បរិបូណ៌​ទាំងអស់​ ​សត្វ​ទាំងឡាយ​ ​ដែល​មាន​ធូលី​ ​គឺ​រាគាទិក្កិលេស​តិច​ ​ក្នុង​ភ្នែក​ ​គឺ​បញ្ញា​ ​សត្វ​ទាំងនោះ​ ​នឹង​សាបសូន្យ​ ​(​ចាក​មគ្គផល​)​ ​ព្រោះ​មិនបាន​ស្តាប់ធម៌​ ​សត្វ​ទាំងឡាយ​ ​បម្រុង​នឹង​ត្រាស់​ដឹង​ធម៌​ ​ក៏មានដែរ​ ​ម្នាល​ភិក្ខុ​ទាំងឡាយ​ ​ចំណែក​តថាគត​ ​ក៏​នឹង​ចូល​ទៅ​ឯ​សេនា​និគម​ ​ក្នុង​ឧរុ​វេលា​ប្រទេស​ ​ដើម្បី​សម្តែង​ធម៌​ដែរ​។​
​ [​៤៣៣​]​ ​គ្រានោះ​ឯង​ ​មារ​មានចិត្ត​បាប​ ​ចូល​សំដៅ​ទៅ​រក​ព្រះមានព្រះភាគ​ ​លុះ​ចូល​ទៅដល់​ហើយ​ ​ទើប​ពោល​នឹង​ព្រះមានព្រះភាគ​ ​ដោយ​គាថា​ ​ដូច្នេះ​ថា​

ថយ | ទំព័រទី ២៨៨ | បន្ទាប់