បិដក ភាគ ៣៦ - ទំព័រទី ២៩៩

​ម្នាល​គាម​ណី​ ​កាមភោគី​បុគ្គល​នេះ​ ​គួរ​សរសើរ​ ​ដោយហេតុ​ ​៤​ ​ប្រការ​។​ ​គួរ​សរសើរ​ ​ដោយហេតុ​ ​៤​ ​ប្រការ​ ​តើ​ដូចម្តេច​។​ ​គួរ​សរសើរ​ ​ដោយហេតុ​ទី​ ​១​ ​ដូច្នេះ​ថា​ ​កាមភោគី​បុគ្គល​នោះ​ ​ស្វែងរក​ភោគសម្ប័ទ​ ​ដោយ​អំពើ​ជា​ធម៌​ ​មិនជា​អំពើ​ដ៏​ក្លាហាន​។​ ​គួរ​សរសើរ​ ​ដោយហេតុ​ទី​ ​២​ ​ដូច្នេះ​ថា​ ​កាមភោគី​បុគ្គល​នោះ​ ​ធ្វើខ្លួន​ឲ្យបាន​សុខ​ ​ឲ្យ​ឆ្អែតឆ្អន់​។​ ​គួរ​សរសើរ​ ​ដោយហេតុ​ទី​ ​៣​ ​ដូច្នេះ​ថា​ ​កាមភោគី​បុគ្គល​នោះ​ ​ចែករលែក​ ​ធ្វើបុណ្យ​ទាំងឡាយ​។​ ​គួរ​សរសើរ​ ​ដោយហេតុ​ទី​ ​៤​ ​ដូច្នេះ​ថា​ ​កាមភោគី​បុគ្គល​នោះ​ ​ប្រើប្រាស់​ភោគសម្ប័ទ​ទាំងនោះ​ ​មិន​ងប់​ ​មិន​ជ្រុលជ្រប់​ ​មិន​ផ្តេក​ផ្តួល​ ​ជា​អ្នក​ឃើញ​ទោស​ ​មាន​ប្រាជ្ញា​ ​ជា​គ្រឿងរ​លាស់​ខ្លួន​ចេញ​។​ ​ម្នាល​គាម​ណី​ ​កាមភោគី​បុគ្គល​នេះ​ ​គួរ​សរសើរ​ ​ដោយហេតុ​ ​៤​ ​ប្រការ​នេះឯង​។​

ថយ | ទំព័រទី ២៩៩ | បន្ទាប់