បញ្ហាវារៈ
[១១៦៨] អព្យាកតធម៌ប្រកបដោយអាសវៈ ជាបច្ច័យនៃអព្យាកតធម៌ប្រកបដោយអាសវៈ ដោយហេតុប្បច្ច័យ។ អព្យាកតធម៌មិនមានអាសវៈ ជាបច្ច័យនៃអព្យាកតធម៌មិនមានអាសវៈ ដោយហេតុប្បច្ច័យ។
[១១៦៩] ក្នុងហេតុប្បច្ច័យ មានវារៈ៤ ក្នុងអារម្មណប្បច្ច័យ មានវារៈ៣ ក្នុងអវិគតប្បច្ច័យ មានវារៈ៧។
អនុលោមក្តី បច្ចនីយៈក្តី អនុលោមប្បច្ចនីយៈក្តី បច្ចនីយានុលោមក្តី នៃបញ្ហាវារៈក្នុងកុសលត្តិកៈ ដែលលោករាប់ហើយ យ៉ាងណា (ក្នុងសាសវទុកកុសលត្តិកៈ) បណ្ឌិតគប្បីរាប់យ៉ាងនោះដែរ។
ចប់ សាសវទុកកុសលត្តិកៈ។
អាសវសម្បយុត្តទុកកុសលត្តិកៈ
បដិច្ចវារៈ
[១១៧០] កុសលធម៌ដែលប្រាសចាកអាសវៈ អាស្រ័យនូវកុសលធម៌ ដែលប្រាសចាកអាសវៈ ទើបកើតឡើង ព្រោះហេតុប្បច្ច័យ។
[១១៧១] ក្នុងហេតុប្បច្ច័យ មានវារៈ១ ក្នុងអារម្មណប្បច្ច័យ មានវារៈ១ ក្នុងអវិគតប្បច្ច័យ មានវារៈ១។