ពួក​ខ្ញុំ​ព្រះអង្គ​ ​បាន​ស្តាប់​មក​យ៉ាង​នេះ​រឿយ​ៗ​ ​ព្រោះហេតុនោះ​ ​ខ្ញុំ​ព្រះអង្គ​តែង​និយាយ​យ៉ាងនេះ​ថា​ ​អ្នក​ទាំងឡាយ​ ​នមស្ការ​ព្រះ​ជិនស្រី​ ​ជា​គោតម​គោត្រ​ឬ​ ​(​ព្រះរាជ​បុត្ត​ទាំងនោះ​ ​តប​ថា​)​ ​យើងខ្ញុំ​ទាំងឡាយ​ ​នមស្ការ​ចំពោះ​ព្រះ​ជិនស្រី​ ​ជា​គោតម​គោត្រ​ ​យើងខ្ញុំ​ទាំងឡាយ​ ​នមស្ការ​ព្រះពុទ្ធ​ ​ជា​គោតម​គោត្រ​ ​ទ្រង់​បរិបូណ៌​ដោយ​វិជ្ជា​ ​និង​ចរណៈ​។​
​ [​៨៤​]​ ​ឧត្តរកុរុ​ទ្វីប​ ​ជាទី​រីករាយ​ ​មាន​ភ្នំ​សិនេរុ​ដ៏​ធំ​ ​គួរ​ជាទី​មើល^{​(​១​)}​ ​តាំងនៅ​ក្នុង​ទីណា​ ​ពួក​មនុស្ស​កើត​ក្នុង​ឧត្តរកុរុ​ទ្វីប​នោះ​ ​ឥតមាន​ប្រកាន់​របស់​អ្វី​ថា​ ​ជា​របស់​ខ្លួន​ឡើយ​។​ ​មនុស្ស​ទាំងអម្បាល​នោះ​ ​មិន​ចាំបាច់​ព្រោះ​ពូជ​ ​មិន​ចាំបាច់​នាំ​នង្គ័ល​ចេញទៅ​ ​(​ដោយ​គិតថា​ ​អាត្មាអញ​នឹង​ភ្ជួរ​ក្នុង​ទី​នោះ​ៗ​)​ ​បរិភោគ​តែ​ស្រូវសាលី​ ​ដែល​កើត​ឯង​ក្នុង​ព្រៃ​ ​ជា​ស្រូវ​មិន​មាន​កុណ្ឌក​ ​មិន​មាន​អង្កាម​ ​ស្អាត​ ​មាន​ក្លិនក្រអូប​ ​ផ្លែ​ចេញ​ជា​អង្ករ​ ​