បិដក ភាគ ២៦ - ទំព័រទី ១៣

 [​៧​]​ ​ម្នាល​ភិក្ខុ​ទាំងឡាយ​ ​កាលបើ​និគ្រន្ថ​ទាំងឡាយ​ ​និយាយ​យ៉ាងនេះ​ហើយ​ ​តថាគត​ ​បាន​តប​ទៅ​នឹង​ពួក​និគ្រន្ថ​ទាំងនោះ​ ​ដូច្នេះ​ថា​ ​ម្នាល​អាវុសោ​និគ្រន្ថ​ទាំងឡាយ​ ​ធម៌​ទាំងឡាយ​ ​៥យ៉ាងនេះ​ ​មាន​វិបាក​ពីរ​ប្រការ​ ​ក្នុង​បច្ចុប្បន្ន​នេះ​ ​ធម៌៥យ៉ាង​ ​តើ​ដូចម្តេច​ ​ធម៌៥យ៉ាង​ ​គឺ​សទ្ធា​ ​(​ការ​ជឿ​)​១​ ​រុ​ចិ​ ​(​ការ​គាប់ចិត្ត​)​១​ ​អនុ​ស្ស​វៈ​ ​(​ការ​ឮ​តៗ​គ្នា​)​១​ ​អា​កា​របរិ​វិតក្កៈ​ ​(​ការ​ត្រិះរិះ​តាម​ហេតុ​)​១​ ​ទិដ្ឋិ​និ​ជ្ឈាន​ក្ខន្តិ​ ​(​ការ​ពេញចិត្ត​ថា​ ​ត្រូវ​នឹង​លទ្ធិ​របស់​ខ្លួន​)​១​ ​ម្នាល​អាវុសោ​និគ្រន្ថ​ទាំងឡាយ​ ​ធម៌​ទាំង៥យ៉ាងនេះ​ឯង​ ​ដែល​មាន​វិបាក​ពីរ​ប្រការ​ ​ក្នុង​បច្ចុប្បន្ន​នេះ​ ​បណ្តា​ធម៌​ ​ទាំង៥ប្រការ​នោះ​ ​សទ្ធា​ ​(​ការ​ជឿ​)​ ​ចំពោះ​គ្រូ​ ​ដែល​កន្លងទៅ​ហើយ​ ​តើ​ដូចម្តេច​ ​រុ​ចិ​ ​(​ការ​គាប់ចិត្ត​)​ ​តើ​ដូចម្តេច​ ​អនុ​ស្ស​វៈ​ ​(​ការ​ឮ​តៗ​គ្នា​)​ ​តើ​ដូចម្តេច​ ​អា​កា​របរិ​វិតក្កៈ​ ​(​ការ​ត្រិះរិះ​តាម​ហេតុ​)​ ​តើ​ដូចម្តេច​ ​ទិដ្ឋិ​និ​ជ្ឈាន​ក្ខន្តិ​ ​(​ការ​ពេញចិត្ត​ថា​ ​ត្រូវ​នឹង​លទ្ធិ​របស់​ខ្លួន​)​ ​តើ​ដូចម្តេច​ ​របស់​និគ្រន្ថ​ដ៏​មាន​អាយុ​ទាំងឡាយ​។​ ​ម្នាល​ភិក្ខុ​ទាំងឡាយ​ ​កាល​តថាគត​សួរ​យ៉ាងនេះ​ ​ក៏​មិនបាន​ជួបនឹង​ពាក្យ​តទល់​ ​ដែល​ប្រកបដោយ​ធម៌​ណាមួយ​ ​អំពី​ពួក​និគ្រន្ថ​ឡើយ​។​

ថយ | ទំព័រទី ១៣ | បន្ទាប់