ឲ្យកើតឡើង(១) អកុសលធម៌ទាំងឡាយ តែងសាបសូន្យ កុសលធម៌ទាំងឡាយ តែងចម្រើនឡើង ព្រោះអស់ភពដាច់ស្រឡះ។ ត្រង់ព្រះពុទ្ធដីកា ដែលព្រះមានព្រះភាគ ត្រាស់ហើយថា ម្នាលភិក្ខុទាំងឡាយ តថាគត សំដែងនូវការបានចំពោះអត្តភាព ថាមានពីរយ៉ាង គឺ ការបានចំពោះអត្តភាពគួរសេព១ មិនគួរសេព១ មួយទៀត តថាគត សំដែងនូវការបានចំពោះអត្តភាពនោះ ទីទៃៗពីគ្នា ដូច្នេះនុ៎ះ គឺទ្រង់ត្រាស់សំដៅហេតុនេះឯង។ បពិត្រព្រះអង្គដ៏ចំរើន នេះឯង ភាសិតសង្ខេប ដែលព្រះមានព្រះភាគ ទ្រង់មិនទាន់ចែករំលែកសេចក្តីឲ្យពិស្តារ ខ្ញុំព្រះអង្គ យល់សេចក្តីដោយពិស្តារ យ៉ាងនេះ។
(១) បុគ្គលដែលមានអត្តភាពឥតទុក្ខ ក៏មាន៤ពួកដែរ គឺបុថុជ្ជន សោតាបន្ន សកទាគាមី និងអនាគាមិបុគ្គល គឺសំដៅយកពួកើតក្នុងបច្ឆិមភព ដូចជាអង្គុលិមាល ទោះកាប់សម្លាប់មនុស្សដល់ទៅ៩៩៩ ក៏ឈ្មោះថា មានអត្តភាពមិនមានទុក្ខ ព្រោះអស់ភព ដាច់ស្រឡះ ក្នុងជាតិនោះ។