បិដក ភាគ ៣២ - ទំព័រទី ២៩១

 ​[​៣៧៦​]​ ​ព្រះមានព្រះភាគ​ ​បាន​ត្រាស់​ព្រះពុទ្ធដីកា​នេះ​ ​លុះ​ព្រះ​សុគត​ជា​សាស្តា​ ​បាន​ត្រាស់​ព្រះពុទ្ធដីកា​នេះ​ហើយ​ ​ទើប​ទ្រង់​ត្រាស់​ព្រះពុទ្ធដីកា​នេះ​ ​តទៅទៀត​ថា​

​ [​៣៧៧​]​ ​ខ្ញុំ​បាន​ស្តាប់​មក​យ៉ាងនេះ​។​ ​សម័យមួយ​ ​ព្រះមានព្រះភាគ​ ​ទ្រង់​គង់នៅ​ក្នុង​វត្ត​ជេតពន​ ​របស់​អនាថបិណ្ឌិក​សេដ្ឋី​ ​ទៀប​ក្រុង​សាវត្ថី​។​ ​គ្រានោះ​ឯង​ ​ព្រះ​នន្ទ​មាន​អាយុ​ ​ជា​បុត្រ​នៃ​ព្រះ​មាតុច្ឆា​ ​(​កូន​ម្តាយមីង​)​ ​នៃ​ព្រះមានព្រះភាគ​ ​គ្រងចីវរ​ទាំងឡាយ​ ​ដែល​ដំ​ទាំងសងខាង​ ​បន្តក់​ភ្នែក​ហើយ​ ​កាន់​យក​បាត្រ​ដ៏​រលោង​ ​ចូល​ទៅ​គាល់​ព្រះមានព្រះភាគ​ ​លុះ​ចូល​ទៅដល់​ ​ថ្វាយបង្គំ​ព្រះមានព្រះភាគ​ ​ហើយ​អង្គុយ​ក្នុង​ទី​ដ៏​សមគួរ​។​

ថយ | ទំព័រទី ២៩១ | បន្ទាប់