បិដក ភាគ ៥៣ - ទំព័រទី ១៤០

​ម្នាល​ភិក្ខុ​ទាំងឡាយ​ ​ពួក​ភិក្ខុ​បែប​នោះ​ ​ហៅថា​ ​សាស្តា​ក៏បាន​ ​ហៅថា​ ​អ្នកនាំ​ទៅ​នូវ​ពួក​ក៏បាន​ ​ហៅថា​ ​អ្នក​លះបង់​សត្រូវ​ ​ក៏បាន​ ​ហៅថា​ ​អ្នក​បន្ទោបង់​ងងឹត​ក៏បាន​ ​ហៅថា​ ​អ្នកធ្វើ​ពន្លឺ​ក៏បាន​ ​ហៅថា​ ​អ្នកធ្វើ​ឲ្យ​ភ្លឺស្វាង​ក៏បាន​ ​ហៅថា​ ​អ្នកធ្វើ​ប្រទីប​ក៏បាន​ ​ហៅថា​ ​អ្នកធ្វើ​រស្មី​ក៏បាន​ ​ហៅថា​ ​អ្នក​ទ្រោល​បំភ្លឺ​ដោយ​គប់ភ្លើង​ក៏បាន​ ​ហៅថា​ ​អរិយៈ​ក៏បាន​ ​ហៅថា​ ​អ្នកមាន​ចក្ខុ​ក៏បាន​។​ ​

​ [​១០៧​]​ ​ម្នាល​ភិក្ខុ​ទាំងឡាយ​ ​តណ្ហា​កាល​កើតឡើង​ដល់​ភិក្ខុ​ ​រមែង​កើតឡើង​ ​ព្រោះ​វត្ថុជា​ទី​កើត​នៃ​តណ្ហា​នេះ​ ​មាន​ ​៤​។​ ​វត្ថុជា​ទី​កើត​នៃ​តណ្ហា​ ​៤​ ​តើ​ដូចម្តេច​។​ ​ម្នាល​ភិក្ខុ​ទាំងឡាយ​ ​តណ្ហា​ ​កាល​កើតឡើង​ដល់​ភិក្ខុ​ ​រមែង​កើតឡើង​ ​ព្រោះ​ហេតុ​ចីវរ​ ​១​ ​ម្នាល​ភិក្ខុ​ទាំងឡាយ​ ​តណ្ហា​ ​កាល​កើតឡើង​ដល់​ភិក្ខុ​ ​រមែង​កើតឡើង​ ​ព្រោះ​ហេតុ​បិណ្ឌបាត​ ​១​ ​

ថយ | ទំព័រទី ១៤០ | បន្ទាប់