ពាក្យដូច្នេះ មានក្នុងព្រះសូត្រឬ។ អើ។ ព្រោះហេតុនោះ សីល មានការសមាទានជាហេតុ ទើបចម្រើន។
[៩៨៣] វិញ្ញត្តិ(១) ជាសីលឬ។ អើ។ ការវៀរចាកបាណាតិបាត ជាសីលឬ។ អ្នកមិនគួរពោលយ៉ាងនេះទេ។បេ។ ការវៀរចាកអទិន្នាទាន ជាសីលឬ។ អ្នកមិនគួរពោលយ៉ាងនេះទេ។បេ។ ការវៀរចាកកាមេសុមិច្ឆាចារ ជាសីលឬ។ អ្នកមិនគួរពោលយ៉ាងនេះទេ។បេ។ ការវៀរចាកមុសាវាទ ជាសីលឬ។ អ្នកមិនគួរពោលយ៉ាងនេះទេ។បេ។ ការវៀរចាកហេតុជាទីតាំងនៃសេចក្តីប្រមាទ គឺផឹកនូវទឹកស្រវឹង គឺសុរា និងមេរ័យ ជាសីលឬ។ អ្នកមិនគួរពោលយ៉ាងនេះទេ។បេ។ ការក្រាបសំពះជាសីល ការក្រោកទទួលជាសីល ការធ្វើអញ្ជលីជាសីល ការធ្វើសេចក្តីកោតក្រែងជាសីល ការនាំមកនូវទីអង្គុយជាសីល ការនាំមកនូវទីដេកជាសីល ការនាំមកនូវទឹកលាងជើងជាសីល ការនាំមកនូវកំណល់ជូតជើងជាសីល ការបរិកម្មនូវខ្នង (ដុសក្អែល) ក្នុងការងូតទឹកជាសីលឬ។ អើ។
ចប់ សមាទានហេតុកកថា។
វិញ្ញត្តិសីលន្តិកថា
[៩៨៣] វិញ្ញត្តិ(១) ជាសីលឬ។ អើ។ ការវៀរចាកបាណាតិបាត ជាសីលឬ។ អ្នកមិនគួរពោលយ៉ាងនេះទេ។បេ។ ការវៀរចាកអទិន្នាទាន ជាសីលឬ។ អ្នកមិនគួរពោលយ៉ាងនេះទេ។បេ។ ការវៀរចាកកាមេសុមិច្ឆាចារ ជាសីលឬ។ អ្នកមិនគួរពោលយ៉ាងនេះទេ។បេ។ ការវៀរចាកមុសាវាទ ជាសីលឬ។ អ្នកមិនគួរពោលយ៉ាងនេះទេ។បេ។ ការវៀរចាកហេតុជាទីតាំងនៃសេចក្តីប្រមាទ គឺផឹកនូវទឹកស្រវឹង គឺសុរា និងមេរ័យ ជាសីលឬ។ អ្នកមិនគួរពោលយ៉ាងនេះទេ។បេ។ ការក្រាបសំពះជាសីល ការក្រោកទទួលជាសីល ការធ្វើអញ្ជលីជាសីល ការធ្វើសេចក្តីកោតក្រែងជាសីល ការនាំមកនូវទីអង្គុយជាសីល ការនាំមកនូវទីដេកជាសីល ការនាំមកនូវទឹកលាងជើងជាសីល ការនាំមកនូវកំណល់ជូតជើងជាសីល ការបរិកម្មនូវខ្នង (ដុសក្អែល) ក្នុងការងូតទឹកជាសីលឬ។ អើ។
(១) សំដៅយក កាយវិញ្ញត្តិ ដែលជាកាយកម្ម និងវចីវិញ្ញត្តិ ដែលជាវចីកម្ម។