រងសុខ និងទុក្ខ ព្រោះហេតុតែព្រះឥសូរ តាក់តែងឲ្យ ម្នាលភិក្ខុទាំងឡាយ ពួកនិគ្រន្ថ មានព្រះឥសូរអាក្រក់ តាក់តែងដោយពិត បានជាក្នុងកាលឥឡូវនេះ រងទុក្ខវេទនាក្លាខ្លាំង ខ្លោចផ្សា យ៉ាងនេះ១។ ម្នាលភិក្ខុទាំងឡាយ បើពួកសត្វ រងសុខ និងទុក្ខ ព្រោះហេតុតែសង្គតិ និងភាវៈ(១) ម្នាលភិក្ខុទាំងឡាយ ពួកនិគ្រន្ថមានសង្គតិអាក្រក់ ដោយពិត បានជាក្នុងកាលឥឡូវនេះ រងទុក្ខវេទនាក្លាខ្លាំង ខ្លោចផ្សា យ៉ាងនេះ១។ ម្នាលភិក្ខុទាំងឡាយ បើពួកសត្វ រងសុខ និងទុក្ខ ព្រោះហេតុតែអភិជាតិ(២) ម្នាលភិក្ខុទាំងឡាយ ពួកនិគ្រន្ថមានអភិជាតិអាក្រក់ ដោយពិត
(១) ដំណើរនៃអភិជាតិទាំង៦ ដែលត្រាច់ទៅក្នុងទីនោះៗ ហៅថា សង្គតិ។ ធម្មតាដែលកើតឡើងឯងៗ ហៅថា ភាវៈ ប្រៀបដូចបន្លាដែលស្រួចឯង ផ្លែខ្វិតមានសណ្ឋានមូល ដោយខ្លួនឯង សត្វម្រឹគ បក្សីមានរូបរាង វិចិត្រផ្សេងៗ ដោយធម្មតាឯង យ៉ាងណាមិញ លោកទាំងអស់ មានសេចក្តីប្រែប្រួលដូច្នោះៗ មិនបាច់អាស្រ័យហេតុបច្ច័យឡើយ ដូចបន្លាជាដើម យ៉ាងនោះឯង។ (២) កំណើតដែលបែកទៅផ្សេងៗ ហៅថាអភិជាតិ ៗ មាន៦យ៉ាង គឺកណ្ហាភិជាតិ (កំណើតខ្មៅ) បានដល់ពួកអ្នកធ្វើអំពើអាក្រក់ មានសម្លាប់សត្វជាដើម១ នីលាភិជាតិ (កំណើតខៀវ) បានដល់ពួកភិក្ខុ១ លោហិតាភិជាតិ (កំណើតក្រហម) បានដល់ពួកនិគ្រន្ថ ដែលមានសំពត់សាដកតែមួយ១ ហលិទ្ទាភិជាតិ (កំណើតលឿង) បានដល់ពួកគ្រហស្ថ ដែលស្លៀកស ជាសាវ័ករបស់អចេលក៍១ សុក្កាភិជាតិ (កំណើតស) បានដល់អាជីវក និងអាជីវិនី១ បរមសុក្កាភិជាតិ (កំណើតសណាស់) បានដល់ នន្ទ វច្ឆ កឹស សង្កិច្ច មក្ខលិគោសាល១ (អភិជាតិទាំង៦នេះ ជាលទ្ធិរបស់និគ្រន្ថ)។ សាមញ្ញផលសុត្តវណ្ណនា។